Admission Open For All Courses MS Power Point 2003 Me File Menu ~ Sky Lab Computer Academy

Tuesday, April 22, 2014

MS Power Point 2003 Me File Menu

New: - (Ctrl + N) --- is option ka istemal nayi file kholne ke liye karte hain.
Open: - (Ctrl + O) --- is option se save ki hui file ko khol sakte hain. yani jo file aapne pehle kisi nam se bana rakhi hai. us file dobara kholne ke liye is option par click karne se niche dikhaya gaya dialog box dikhayega.
look in ke dropdown list se us drive ya directry ko select karen jisme file upasthit hai. niche window me filon ke nam dikhai denge. un files me kisi ek ko select karen aur open butto button par click karen aur open karen. ya fir us name par double click karen ya fir file name ke box me us file ka nam likh kar open button par click karen jisko kholna hai.
file of type ke drop down list se jis prakar ki prakar ki file kholni hai. use select karen. aur agar har prakar ki file ke nam ko window me dekhna chahte hain. to usi dropdown list se All File slect karen.
Close: - (Ctrl + F4) --- khuli hui file ko band karne ke liye iska istemal karte hain.
Note - agar khuli hui file me kisi prakar ka badlav kiya gya hai. to ise band karte samay computer save karne ke liye Yes/No ka option dikhayega. yes karne se kiya gya badlav save ho jayega. aur no karne se bina save hue purane roop me hi band ho jaayega. 
Save: - (Ctrl + S) --- khuli hui file ko save karne ke liye is option ka istemal karte hain.
Note - agar file nai hai to save par click karte hi dialog box khulega. look in ke drop down list se us drive ya directory ko select karen jisme file save karni hai. uske baad file naam ke box me naya nam likhen aur save as type ke drop down list se us andaz ko select karen jis prakar ki file banani hai. iske baad save par click kaen file save ho jayegi.
Save As: - (Ctrl + Alt + S) - khuli hui file ki copy kisi dusre nam se taiyar kar sakte hain. nayi banne wali file khul jayegi.
Save As Web Page: - is option ke dwara internet ki file banakar save karte hain (HTML).
File Search: - iska upyog kisi shabd ke bare me janne ke liye karte hain. ki ye kitni filon me hai.
Tarika - is par click karte hi dayin traf task pane aayega. jisme search text ke box me wah shabd likhen aur search in ke drop down list se us drive directry ka chayan karen. jisme upasthit file ko kholna hai. iske baad result should be drop down list se file type ka chayan karen. aur Go button par click kre. un sabhi fileo ke name dikhai denge jisme yeh shabd upasthit hoga. jaisa ki search task pane me file ka name dikhai de raha hai.
Permission: - iske antrgat upasthit option ke dwara khaas logon ko document ko dekhne aur usme badlav karne ke se sambandhit anumati de sakte hai. aur diye gaye anumat ko khatm kar sakte hai.
Tarika - file menu me permission option ke antargat do nat distribute par click kren. permission naam ka dialog box aayega. jisme restrict permission to this file <file type> ke check box par click kren iske baad read aur change ke box me us wayakti ka nam aur email address likhen jise permission dena chahte hain. iske baad apne document ko save karne ke liye ok kren. taki jinhe hamene distribute kiya hain unhe permission mil jaye.
Note - is option ka upyog IRM (information Right Management) ke dwara kar sakte hain.kyonki ye sensitive document and email message ko anudhikrit wayaktiyon ke dwara forwarad aur copy karne se rokta hai.
Note - IRM ka upyog karne ke liye Windows Right Management Client ka install hona zaroori hai.
Package for CD: -is option ka upyog presentation ko CD me copy karne ke liye karte hai. jiska labh yeh hai ki ab hu is CD me copy kiye hue Presentation ko aise computer me aasani se dekh sakte hain. jis me power point load nahi hai.
Web Page Preview: - is option ke dwara khuli hui file ko dothtml file banakar internet explorer me dekh sakte hain.
Page Setup: - iske dwara prishth ki seting karte hain. is par click karte hi niche dikhaya gya dialog box dikhega.
Slide Sized for: iske drop down list se vibhinn fix slide size me se ksi ek ka selection kar sakte hain. aur agar apni ichchanusar size dena chahte hai isi drop down list se custome ka selection karke width aur hight ke box me lambai aur chaudai fix kren.
Number of slide form: is box me wah sankya likhe jis sankhya se slides nuber ki shuruaat karnaa hai.
Portrait and Landscape: iske dwara prishth ko lambai ya chaudai me kar sakte hain.
Print Preview: - print karne se pehle apne prishth ko dekhne ke liye iska istemall karte hain ki print karne par  page kaisa aayega.
Print (Ctrl + P): - iske dwara khuli hui file ko prit karte hain.
Send to: - iske antargat upasthith option se internet par apni bhej sakte hain. jisme sabse niche microsoft powerpoint hai . iske dwara upasthith file ko power point me bhej sakte hain. jo ki MS office ke program me se ek program hain.
Properties: - is me apni file se sambandhit sabhi jaankari likhte hain. is par clcik karte hai nimnlikhit property bar dikhega. jisme file se sambandhit details upasthit hongi is ke alawa agar aap file se sambandhit sanchipt jaankar likhna chahe to summary button par click karke lih sakte hain iske alawa isme upasthit tab button par click karke file se sambandhit jankari hasil kar sakte hain.
Exit: - iske dwara program ko band kar sakte hain.
Note - agar file save nahi hai to file band karne se pehle save karne ka option ayega.

0 comments:

Post a Comment


Blog Archive

Popular Posts